Mohtaji Quotes | Luqman A.S. Quotes

Description:

Aik bohat hi mash'hoor qoul hy ky harkat mein barkat hy. Lekin jab koi insan kisi bhi kaam karny ki koshish hi na kary to wo kaam siry sy ho ga hi nahi. Aik to wo kam ho ga nahi dusra us kaam ky na hony sy aur dusry kamon par bhi asar pary ga. Aur jab insan aik kaam nahi karta to agla kaam aur mushkil lagta hy. Us ky bad agla kaam usy na mumkin lagny lagta hy. Isi liye jab wo koi kaam khud nahi kary ga to wo dusron ki madad mangy ga aur dusron ka mohtaj ho jaye ga. Aur jab wo dusron ka mohtaj ho jaye ga to us ki apni aqal kaam nahi kary gi, us ky andar ki jo murawat jo ana jo self respect ho gi wo bhi khatam ho jaye gi. Aur jab hum aisy bandon sy kaam len gy jo deen ky mukhalif hon ya deen ko nuqsan pohnchaty hen to us waqt humara deen hum tak hi mehdood reh jata hy na hum us par sahi sy amal kar paty hen ky un logon ko bura na lag jaye aur na hi deen ki tableegh, nashar o ishaat kar paty hen. Is liye har kaam khud karna chahye is sy insan ki quwat e bardasht mein bhi izafa hota hy aur baqi sab kaam bhi achy sy anjam paty hen.

Mohtaji Quotes | Luqman A.S. Quotes

Luqman A.S. Quote:

Jid o johad na karna mohtaji ka bayis hai, aur

 mohtaji deen ko tang, aqal ko khafeef aur 

murawat ko zayal kar deti hy.