Islamic Quotes | Farman e Rasool S.A.W.W. Vol 3

Description:

Insan ky marny ky bad bhi jo 3 chezen us ky nama e aamaal mein izafa karti rehti hen un mein sy aik sadqa jaria hy. Aur aulad ki naik tarbiat karna bhi sadqa jaria hy. Kion ky wo jo bhi naik amal kary ga waldain ko is ka ajar barabar milta rahy ga. Jo shakhs apny karobar mein by-ja qasmen uthata hy, ho sakta hy ky us ka lain dain zada ho jaye lekin Allah Pak us ki kamai sy barkat cheen lety hen. Hamsaye ky khayal karny ki Nabi s.a.w.w. ny bohat targheeb di hy aur farmaya hy ky agar ap ka hamsaya aik kafir bhi hy tab bhi us ka khayal rakho us ko satao nahi. Insan to kia Aap s.a.w.w. ny to hamsaye ky janwaron tak ka khayal rakhny ka hukm dia hy. Aur farmaya jis ny hamsaye ky kutty ko bhi mara to samjho us ny hamsaye ko takleef di. Isi tarah farmaya ky momin hamsaye ka zayada haq hy aur agar wo hamsaya rishty dar bhi hy to sab sy barh kar us ka haq hy. Allah ky Rasool s.a.w.w. ny irshad farmaya ky momin apny momin bhai ki ahwal pursi karny ky bad us ki hosla afzai karta hy us ki himmat barhata aur jo aisa nahi karta to Nabi s.a.w.w. ny us ky munafiq hony ki daleel di hy.

Islamic Quotes | Farman e Rasool S.A.W.W. Vol 3

Farman e Nabvi S.A.W.W. Hy:

Bap ka koi atiya bety ky liye is sy barh kar nahi ky us ki 

taaleem o tarbiat achi kary.

Farman e Nabvi S.A.W.W. Hy:

Jis ny parosi ky kutty ko mara, us ny hamsaye ko 

eiza pohnchaya.

Farman e Nabvi S.A.W.W. Hy:

Qasam sy khareed o farokht mein ziadati ho sakti hy 

magar kamai ghat jati hy.

Farman e Nabvi S.A.W.W. Hy:

Kafir hamsaye ka aik hissa haq hy, musalman ka do 

hissa haq aur rishty dar hamsaye ka teen hissa.

Farman e Nabvi S.A.W.W. Hy:

Ahwal pursi karna aur phir izhar e gham khawari na karna, 

nifaq ki daleel hy.