Islamic Quotes In Urdu | Farmoodat e Nabvi S.A.W.W. Vol 7

Description:

Allah ky Rasool s.a.w.w. ny hamsaye ky haqooq par bohat zor dia hy. Aur farmaya ky aik shakhs chahy kitna bhi ibadat guzar ho, rozon par rozy rakhny wala ho, raton ko jaag kar tahajud ada karny wala ho, bohat zayada sadqa karny wala ho, lekin agar us ki kisi bhi harkat ki waja sy us ka parosi tang hy ya us sy khush nahi hy to wo shakhs dozakh ki aag mein jaly ga. Parosi ky haq ky bary mein itni bari waeed ayi hy Aur aj kal hum parosi ky bary mein sochty hi nahi hen, gany sun rhy hen to wo itni onchi awaz sy ky sath waly gharon ka ehsas hi nahi ky shayad wahan koi beemar ho sakta hy, ya shayad kisi bachy ki parhai disturb ho rahi hy. Nahi bal ky hamen to apni moj masti sy matlab hy na, kisi ka kuch bhi bigarta rahy humen kia. Ya koi khail kood kar rahy hen to raasty block kar diye hen hamsaye apny ghar mein qaid ho kar reh gaye hen ya jo bahir hy to wo bahir intazar karta hy jab tak ky un ka khail khatam na ho jaye. Dosto! Humen apny parosion ka khayal karna chahye ta ky hum akhirat mein jahanum ki aag sy bach saken. Aur wo aag aisy hy jo paon ko chuye gi to sir tak us ki hiddat mehsos ho gi.

Islamic Quotes In Urdu | Farmoodat e Nabvi

 S.A.W.W. Vol 7

Farman e Rasool S.A.W.W. Hy:

Parosi ko satany wala dozakhi hy, agarchay tamam rat 

ibadat karny wala aur tamam din rozay rakhny wala ho.

Farman e Rasool S.A.W.W. Hy:

Jo shakhs baron ki taazeem aur choton par shafqat na

 kary ga, wo meri ummat mein sy nahi hy.

Farman e Rasool S.A.W.W. Hy:

Jo kam sab sy zayada sabab e maghfirat ho ga, wo 

kushada roi aur sheereen zubani hy.

Farman e Rasool S.A.W.W. Hy:

Jo chez tu apny liye pasand nahi karta, kisi musalman

 ky liye bhi na kar, aur har qoum ky muaziz admi ki

 taazeem kar.

Farman e Rasool S.A.W.W. Hy:

Tum apny bhai ki madad karo, khawah wo zalim ho 

ya mazloom. Mazloom ki madad zalim sy churana

 aur zalim ki madad zulm sy baaz rakhna hy.