Islamic Urdu Quotes | Farman e Rasool S.A.W.W. Vol 8

Description:

Dosto, jahan salam na karny ki itni bari waeed ayi hy ky agar koi bat karny sy pehly salam na kary to us ki bat ka jawab na do jab tak wo salam na kary. Wahan salam mein pehal karny ki bhi utni hi fazeelat ayi ky jo shakhs salam mein pehal kary ga usy 30 naikian milen gi aur jo us ka jawab dy ga usy 10 naikian milen gi. Kisi musalman ko khush karna ya usy dili khushi dena aik aisi ibadat hy jo Allah ko sab sy zayada pasand hy. Aik musalman hamesha sab ky sath naiki karta hy chahy agla insan naik ho ya bad. Magar bad insan aisa shakhs hota hy jo buron ky sath to burai karta hi hy us ky sath sath wo naikon ky sath bhi badi karta hy. Momin ki shan ye hy wo aik hi jaga sy do bar dhoka nahi khata. Agar usy aik shakhs sy dhoka milta hy to wo dobara us shakhs par kabhi aitbar nahi karta ya agar kisi jaga sy usy nuqsan hota hy to wo dobara us jaga nahi jata. Muaziz insan kisi bhi qabeely ya qoum ka ho humara ye farz banta hy ky us ki izat karen ta ky dusri qoum, zaat ya qabeely ky log hymary muaziz insanon ki taazeem karen.

Islamic Urdu Quotes | Farman e Rasool S.A.W.W. Vol 8

Farman e Rasool S.A.W.W. Hy:

Allah Taala ky nazdeek is sy zayada koi ibadat nahi 

ky tu kisi musalman bhai ka dil khush kar dy.

Farman e Rasool S.A.W.W. Hy:

Momin aik soorakh sy do dafa nahi dasa jata.

Farman e Rasool S.A.W.W. Hy:

Badon ky sath naiki karna, naikon ka kam hy. Aur naikon

 ky sath badi karna, badon ka kam hy.

Farman e Rasool S.A.W.W. Hy:

Har qoum ky muaziz aadmi ki taazeem kar.

Farman e Rasool S.A.W.W. Hy:

Salam mein pehal karny waly ko tees aur jawab 

deny waly ko das naikian milti hen.