Rozi Roti Ki Dua | Eisa A.S. Quotes

Description:

Muhammad s.a.w.w. ny apni ummat ko bohat si duayen sikhai hein. Isi tarha har Nabi ny kuch duayen apni ummat ko sikhai hein. Is quote mein hum ny Eisa a.s. ki aik dua bayan ki hai jo ky bohat khas hai. Is dua mein pehli bat sab sy aeham hai, ky Aey Allah humary sab gunah muaf farma, kion ky insan ky gunah hi aisi cheiz hein jo usy pareshan rakhty hein, gunahon ki hi waja sy hum par afat ati hein, gunahon ki hi waja sy hum sy naimaten cheen li jati hein. Dusri baat ye ky Rozi agar halal ho aur rozana pait bhar kar khana kha lia jaye to insan ghalat kamon sy bach jata hai. Agar rozana pait bhar kar khana na mily to insan chori daketi ki taraf raghib ho jata hai. Aur sab sy akhiri bat ye ky humen azmayesh mein na dal kion ky azmayesh mein insan pura na utry to kufr ki had tak ja sakta hai. Ye aik bohat khubsurat dua hai ap bhi apny Rab sy mangye kion ky us ky khazany mein koi kami nahi.