Anger Quotes Of Daod A.S. | Anbiya Kiram

Description:

Daod a.s. Allah ky bohat naik bandy aur Nabi thy, un ky is qoul mein farmaya gaya hai ky jab insan ghusy mein hota hai to us ky dil dimag mein aag bhari hui hoti hai, is liye agar usy jawab mein koi naram bat kahi jaye ya pyar sy jawab dia jaye to ye naram bat ya pyara jawab us aag ky liye pani ka kam karta hai aur us ka ghussa kam kar deta hai. Lekin agar us ky ghussy ka jawab ghussy sy hi dia jaye ya owl fol baka jaye ya gali galoch ki jaye ya sakht jawab dia jaye to aag ky sath aag mil jaye gi aur dono mil ky apni dunia ko aag laga den gy. Aur ye dono ky liye hi khatarnak sabit ho sakta hai, aur baz dafa to dilon mien aisi dararen parti hain ky ayenda zindgi tak wo aik dusry sy bat tak nahi karty. Is liye jab koi insan ghussy mein ho to chup chap us ka ghussa bardasht kar lo jab wo ghussa chor dy to usy samjhao ky aisy nahi aisy tha. Tab wo ap ki bat bhi samjhy ga aur apny rawayye par sharminda bhi ho ga. Isi liye jab koi ghusy mein ho to us ka ghussa sabar ky sath bardasht karo agar khud ghussy mein ho to koshish karo ghussa khatam hony tak kuch na bolo ya ghussy ki halat mein apni jaga badal lo.