Islamic Quotes In Urdu | Farman e Rasool S.A.W.W. Vol 1

Description:

Hi friends, is post mein hum ny Nabi S.A.W.W. ky kuch aqwal share kiye hen jin par amal kar ky hum bohat sy choty aur bary gunahon sy bach sakty hen aur akhirat mein Nabi S.A.W.W. ki shifa'at hasil kar sakty hen. Imaandar ki aik khobi ye hy ky jitni jaldi wo ghusa karta hy utni hi jaldi us ka ghusa thanda bhi ho jata hy. ALLAH TAALA ki rah mein kharch karny ki itni fazeelat hy ky wo shakhs ALLAH TAALA, jannat aur momin logon ky qareeb hota hy jab ky jahanum ki aag ko us sy bohat door kar dia jata hy. Musalman ko haqeer samajhna Islam mein bohat bara gunah hy. ALLAH ky Nabi S.A.W.W. ny farmaya ky jannat ka zimma mera hy agar koi shakhs apni zuban aur sharm gah ko control kar ly. ALLAH TAALA ny sab sy bara gunah shirk ko bataya hy aur kaha ky jis ny bhi shirk kia us ki bakhsish nahi ho gi. Is azeem gunah ky bad jo sab sy bura gunah hy wo ALLAH ki makhloq par zulm karna unhen nuqsan pohnchana hy.

Islamic Quotes In Urdu | Farman e Rasool S.A.W.W. Vol 1

Farman e Rasool S.A.W.W. hy:

Imaandar ka ghusa bhi jald hua karta hy, aur razi bhi jald

hua karta hy.

Farman e Rasool S.A.W.W. hy:

Sakhi ALLAH sy qareeb hy, jannat sy qareeb hy, logon

sy qareeb hy, aur aag sy dor hy.

Farman e Rasool S.A.W.W. hy:

Aadmi ko itni hi burai kafi hy, ky wo musalman bhai

ko haqeer samjhy.

Farman e Rasool S.A.W.W. hy:

Shirk ky bad sab sy bad tareen gunah makhlooq

ko nuqsan pohnchana hy.

Farman e Rasool S.A.W.W. hy:

Jis shakhs ny apni zuban aur sharmgah ko qabu mein rakha,

main us ky wasty jannat ka zamin hota hon.