Quranic Quotes In Urdu | Allah Quotes & Sayings Vol 7

Description:

Islam ky ibtedai daur mein jab Allah ny hukm dia ky meri raah mein maal kharch karo to Sahaba R.A. ny arz ki ky aey Allah k Rasool s.a.w.w. hum Allah ki raah mein kis qadar kharch karen tab Allah ny apny Nabi s.a.w.w. ky zarye ye ailan karwa dia kia jo tumhari zarurat aur hajat sy zayada hy wo maal Allah ki raah mein kharch karo. Phir hukm hua ky jo cheez tumhen sab sy zayada azeez ho wo cheez Allah ki raah mein kharch karo agar aisa nahi karo gy to tum naiki ky darjy ko nahi paa sakty. Aur phir hukm hua ky ye jo kharch karna hy wo qayamat ya mout ky any sy pehly pehly kharch kar lo. Jo Allah ki raah mein kharch nahi kary ga, wo Allah ki naimaton ki na shukri kary ga aur khud apna hi nuqsan kary ga. Kion ky qayamat ka din aisa din ho ga ky jis din na koi khareed o farokht ho gi, na hi yari aashnai aur na sifarish ho saky gi. Aisa holnak din ho ga ky aasaman zard ho jaye ga aur roi ki oon ki tarah ho jaye ga. Aur Allah pak usy aisy lapeten gy jesy khat ko lapet dia jata hy. Allah ki bandagi karo aur us ka shukr ada karty raho.

Quranic Quotes In Urdu | Allah Quotes & Sayings Vol 7

Irshad e Bari Taala Hy:

Musalmano! Hum ny tum ko jo rizq e tayyab dy rakha hy,

 us ko bila ta'ammul khao, aur agar tum Allah hi ki bandagi

 ka dam bharty ho to us ka shukar bhi ada karo.

Irshad e Bari Taala Hy:

Qayamat ka din wo din ho ga, jis din hum aasmaan

 ko is tarha lapaiten gy, Jesy khaton ka maktoob lapaita

 jata hy. Aur jis tarha hum ny awal bar makhlooq ko 

paida kia ta, usi tarha in ko dobara bhi paida karen gy. 

Ye aik wada hy jis ko pura karna ham ny apny oper 

lazim kar lia hy.

Irshad e Bari Taala Hy:

Aey Nabi s.a.w.w. Log tum sy daryaft karty hen. Allah 

ki raah mein kis qadar kharch karen? Tum in ko samjha

 do ky jitna tumhari hajat sy zayad ho, kharch kar do.

Irshad e Bari Taala Hy:

Musalmano! Humary diye huye maal mein sy kuch 

hamari raah mein bhi kharch karo. Us din ky any sy 

pehly jis mein na to khareed o farokht ho gi, aur na hi 

yari aashnai aur na sifarish. Aur jo raah e Ilahi mein na

 kharch kar ky naimat ki na shukri karty hen, wo zalim

 hen. Yani apna hi nuqsan karty hen.