Islamic Urdu Quotes | Farman e Rasool S.A.W.W. Vol 6

Description:

Zaruri nahi ky tohfa mehnga ya bara hona chahaye. Jis shakhs ki jitni taqat o haisiat hy wo us ky mutabiq apny dost, bhai ya rishty dar ko tohfa bhejy. Tohfy tahayef deny sy apas mein mohabbat barhti hy aur dilon mein sy keena aur kadoorat khatam ho jati hy. Aur tohfy ka sab sy zayada haq dar us ka parosi ya hamsaya hy. Aur jis shakhs ky dil mein Allah ka dar aur khof ho ga wo apny parosy ka khayal kary ga us ki izat o takreem kary ga. Qayamat ky din aik ghareeb insan apny ameer hamsaye ka gireban pakry ga kion ky wo to achy achy khany kha ky achy kapry pehan ky achy bistar par aram sy so gaya tha jab ky us ka ghareeb hamsaya phaty purany kapron ky sath tooti hui charpai py adhi roti kha kar sony laga hy. Ye ameer ki bad ikhlaqi hy ky us ny apny ghareeb hamsaye ki takreem nahi ki us ka khayal nahi rakha. Is liye qayamat ky din usy ghareeb hamsaye ka hisab chukana ho ga us ky bad aur amal ka hisab ho ga.

Islamic Urdu Quotes | Farman e Rasool S.A.W.W. Vol 6

Farman e Rasool S.A.W.W. Hy:

Aapas mein tohfa bhaija karo, ky tohfa dil ki kadoorat 

door kar deta hy.

Farman e Rasool S.A.W.W. Hy:

Jis shakhs ko meri ummat ka gham na ho, 

wo meri ummat mein nahi.

Farman e Rasool S.A.W.W. Hy:

Jo shakhs salam sy pehly bat kary us ki bat ka jawab 

mat do, jab tak pehly salam na kar ly.

Farman e Rasool S.A.W.W. Hy:

Qayamat ky din ghareeb hamsaya ameer hamsaye 

ka daman geer ho ga.

Farman e Rasool S.A.W.W. Hy:

Jo Allah Taala aur roz e akhirat par yaqeen rakhta hy, 

usy kaho ky parosi ki takreem kary.