Noah A.S. | Daily Quotes Of Anbiya Kiram

Description:

Quran majeed mein irshad e rabbani hy ky jo tum mein sy parhaizgar hy wohi allah ky zayada nazdeek hy. Aur Allah ky Rasool s.a.w.w. ny bhi apny akhiri khutba mein yahi farmaya ky na kisi gory ko kisi kaly par aur na kisi arbi ko kisi ajmi par koi bartari hasil hy. Allah ky han jo pasandeedgi ka mayar hy wo taqwa aur parhaiz gari ka hy. Kisi bary qabeely ya ounchy khandan sy taaluq rakhna allah ky nazdeek kuch bhi nahi, kion ky allah ky liye sab insan barabar hen. Han jo Allah ka qurb pana chahta hy to chahye ky wo muttaqi ban jaye. Hasab, nasab, khandan qabeely ky aitabar sy abu jahal ka aik bara muqam tha lekin wo bargaah e ilahi mein dhutkar dia gaya kion ky us ky pas iman nahi tha taqwa parhaiz gari nahi thi. Aur humary piyary Sahabi Bilal e Habshi R.A. jo ky aik ghulam hen dunia mein un ki koi pehchan na thi magar mairaj ky moqy par Nabi s.a.w.w. khud jannat mein hen aur bilal ky qadmon ki aahat sun rahy hen halan ky bilal madeena ki galion mein chal rahy hen. Ye hy taqwa ky zarye falah aur nijaat.