Shoaib A.S. Quotes | All Anbiya Kiram Quotes

Description:

Quran Pak mein hy ky jab Allah ny farishton ko kaha ky main dunia mein insan ko apna khalifa ya naib banany wala hon to farishton ny sab sy pehli bat hi yahi ki ky kia ap aisy makhlooq paida karna chahty hen jo dunia mein qatal o gharat aur kusht o khon kary aur fasad barpa kary. Hadees mein aya hy ky ye is liye kaha farishton ny ky insan sy pehly jo makhlooq banai gai thi us ny ye sab kia tha is liye farishton ny insan ko bhi wesa hi khayal kia. Zameen mein fasad phailana bohat bara gunah hy jis sy hum sab ko bachna hy. Ye aik fitna hy jisy aj kal mazhab ky naam par ya kisi party ky naam par shuro kar dia jata hy aur har jaga danga fasad macha dia jata hy. Kahin hindu muslim kah kar, kahin shia sunni ban kar, kahin kisi aur party ya tehreek ky naam sy, kabhi taliban ky nam sy, har jaga ye fasad phaila hua hy. Hum sab insan hen aur ashraf ul makhluqat hen. Hum sab ko insan ki haisiat sy rehna chahye kisi dusry firqy, tabqy, mazhab ya party ky khayal mein kisi ko nuqsan na pohnchayen, kion ky wo bhi humari tarha hi insan hen.

Shoaib A.S. Quotes | All Anbiya Kiram Quotes