Noah A.S. Quotes | Har Kaam Ka Malik Allah Hai

Description:

Dunia mein sab sy pehly shirk Noah a.s. ki qoum ny kia tha. Jab un ki qoum ky naik log mar gaye to un logon ny un ky butt bana liye aur ye aqeeda apna lia ky in naik hastion ki sifarish ky ilawa humari dua Allah nahi sunta aur baad mein barhta barhta wo is qadar ho gaya ky wo log un hi button sy mangny lag gaye. Nafa, nuqsan, zindgi o mout sab kaam un hastion sy mansoob karny lag gaye. Tab Allah ny apny peghambar Noah a.s. ko bheja ky inhen raah e hidayat py ly ao. Noah a.s. ny is quote mein farmaya ky aey logo sab kaam Allah ky hukm sy hoty hen, bhalai burai, nafa o nuqsan, mout o zindgi har aik kaam ka ikhtiar Allah ko hy is ky ilawa kisi bhi makhlooq, na jin na insan na farishty kisi bhi kuch ikhtiyar nahi. Lihaza aik Allah ki ibadat karo aur usy ko sab kaamon ka karny wala samjho.

Noah A.S. Quotes | Har Kaam Ka Malik Allah Hai

Quotes Of Noah A.S.

Mout, zindgi, khair aur shar sab Allah ki taraf sy hy.