Luqman A.S Islamic Quotes | Khamoshi Ki Ahmiyat In Islam

Description:

Khamosh rehna ain ibadat hai. Ye aik mash'hoor qoul hai aur jo ky blkul darust hai. Kion ky jab insan bolta rehta hai bolta rehta hai to achi baten us ky pas nahi rehti aur wo phir jhot kharafat bolny lagta hai. Zayada bolny sy logon ky dil sy utar jaye ga aur apna muqam kho dega. Kion ky aik aur mash'hoor qoul hai ky zuban insan ky kirdar ka taala hai, jab ye khulta hai to pata lagta hai ky insan sony ka hai ya koily ka. Kion ky jab tak insan nahi bolta us ki shakhsiyat ka andaza nahi hota. Luqman hakeem ky is qoul mein yahi kaha gaya hai ky khamoshi ko apnao, kion ky jo char zuban hota hai wo aksar apni char zubani ki waja sy takleef mein rehta hai. Jab insan zayada bolta hai to us ki guftagu ghair muhazib ho jati hai aur wo chughlian karta hai, jhot bolta hai, in sab kamon ka anjam jahanum hota hai. Isi liye jo khamosh rehta hai wo in gunahon sy bach jata hai aur gunahon sy bachna bhi ibadat hai. Humein chahiye ky hum achi aur sachi bat kahen wo bhi us waqt jab humari bat ki kuch ahmiat ho, warna chup rehna behtar hai.