Serve Pakistan | Quaid e Azam Quotes

Description:

Muhammad ali jinnah (the founder of pakistan) ko quaid e azam isi liye kaha jata hai ky inhon ny aik aisy mulk mein sy musalmanon ko iktha kar ky un ko khawab e ghaflat sy jaga kar aik plate farm par ly aye hein jahan musalmanon ki koi wuqat hi nahi thi. Un ky paas Allah ki di hui zehni salahiyat bohat zayada thi, isi liye unhon ny is qoul mein farmaya ky ye mulk naya bana hai jo ky pakistan hai, to is ki taraqi aur khush hali ky liye hum sab ko mehnat karni ho gi. Ye nahi hai ky koi bary ohdy py hai to wo blkul kam na kary aur bas hukm hi chalata rahy bal kay apni haisiyat ky mutabiq mulk ki khidmat kary. Aur agar koi choti sy choti post par hai to wo ye na sochy ky main koi kaam nahi kar sakta mulk ky liye bal ky usy chahye ky jis had tak wo mulk ki khidmat kar sakta hai kary aur baqion ko bhi is ki targheeb dy. Kion ky hum is mulk mein raj karny nahi aye bal ky hum is mulk aur is mulk mein rehny waly logon ki khidmat karny aye hein. Kion ky islam mein riaya par hakoomat nahi bal kay riaya ki khidmat ki jati hai.